بنتي الغاليه

لا سامحك يا الوقت كم فيك ملعانه
لا شفت قد الدنياء صلحت تخربها

خليت بعض الناس في الأرض ندمانه
وهذه الحياه قد كل واحد بيلعنها

أوضاعنا يا وقت من صدق خربانه
مااظن حد في الارض هذه سلم منها

بعض البشر عايش ويصاارع أحزانه
وكل الهموم حوله ما اقدر يواجهها

مثلي انا عااايش والنفس كرهانه
لهذه العيشه وكم صرت أنا اكرهها

اليوم رااابع يوم والبنت تعباااانه
واهلي ولا وااحد جرب سأل عنها

عارف ان ابي زاااعل وامي زعلااانه
من زوجتي لكن جود ايش دخلها

ما الاتصال هوكان من أضعف إيمانه
رنه على الجوال وشوف ايش فيها

الووه كيف البنت من ايش مرضانه
شوف كيف صحتها واين يوجعها

ما حد على اولاااده يظهر بهجرانه
هي بنتكم ياابي وانت راااعيها

من فعلكم سهران والعين سهرااانه
جاالس أفسر كيف بنتي بتنسوها

وسامحوا ابنكم هذا اذا زل لساانه
قلت الحقيقه بس ماقدرت اخبيها

يا ليتكم تشعروا بالصدر وخذلانه
والعين تبكي ضناها لين يعبرها

يا رب تشفي ضنا روحي وخلّانه
وتكشف الضر عنها اليوم وتيسرها

القلب صابر على همّي وحرمانة
من لوعتي والبنت ربي يشافيها

يا الله يا فارج الكربات سبحانه
الطف بحال البنت يارب وحميها