الكتابة

يا هنا الكتابة كاتحط بدفار شيطان،
هاك لفن من أعماق نار وشرب من الشر دخان،
جهد بدا تسالا،
(بالك بالك)
كنرسم الأسلوب بدم المسيح،
ريما مكتوبة بصوت ريح،
بان شري وقلبي حزين،

كولشي باغي beef، واخا عقولهم طافية،
عطيني mic نشعل بيه حرب عالمية بالملفاظ السافية،
نهار لي حضر إنليل السماء، جبروت الإله ما وقفش ضدّي النفوذ،
شحال من شيطان مات وسبابو ظبون،
كنتحرح فالظلام وداير الخوف عكازي،
صاحبي خليك فالظل بلاما تشرب من كاسي،
كانيكي ف روابا ودموعهم فوق راس تاجي،
حني الضهرك ملي تشوفني داخل نحسب فلوسي،

راخي قلوية فالعرش زنقة،
حنا نبيعو لبيضة شغل مافيا ونتا لعب مع قحاب فنفس فرقة،
باقي واقف واخا فالحمي شحال من دقة،
بارح شرب الدم الغرام منك واليوم انا مغروم بالعاقة،
نورمال نهار لي تحرك أوزيريس فالنيل، أسرار الموت ما تهربش منو الجيل،
نورمال تبان قاصح معنا وتبكيك درية فالليل،
هنا العشبة كتسربا فالعتبة وتوصلك حتى ريوكك تسيل،
ماتلعبش معيا أنا على سبة نقدر نهيج عليك كيف ريح،

عمرك شفت الظل يضحك فالليل على نورك،
والصحاب ديالك يبيعو الكلام باش يشرو دورك،
الدولة گالت ليك حقيقي غادي تعيش مع الملوك،
هنا الفخاخ كتستناك فالزوايا بلا شعورك.
نتا غير بيظق نخليك تال مور Edge،
بلاية يجي الدارك وبخوري يزعزعك باش يعيش،
نشوتك فوق راسك بحروف ما كتعرف،
واللي كتبتي فالخفاء باين ليه الخسران يعترف.
مبلي بدم ونعاس بسم باش نقول لغرامك راني مامبليش،
ياعمري لكان الحب عندك غالي انا عندي ماغاليش،

واخا كانغتاصبو ضروف غاتلقنا دراوش،
وسط جهنم غاتلقاني cute ومخبي فعايلي،
تيق بيا صاحبي قبل ماكنعس حتى نشوف العافية فالفرش،
أنا ندير فيك الخير ونتا جري على محايني،
هنا كولشي شفار ومخبي الخنز فالكرش،
الشر العباد كانشوفو بعيني،
حنا كبرنا فالجود والإكرام غير ف طرش،

اللي بغا العسل يصبر لقريس النحل،
درنا راب حتى لقيت راسي كانجري فالذل،
بيدي حرق عروقي ومزال دمو فالدرب،
هنا كولشي كايجري عريان ونساو الذنب،
فالضغط كيبان النحاس من الحديد،
بزاف كيهضرو فالراب وما عايشين التنهيد،
الرجلة ماشي لايكات ولا قافية فالفيد،
را الزمان كيعري، ماشي دايم التخريد.
الزهر ما يطلعش فالأرض البايرة،
غيبضحك نقنعك بلي كرة ارضية ماشي دايرة،
يا بني الزنا لبدو ملي تشوفوني كنهضر نتوما قولو كاينة،
ولي قباح فيكم دمو فيدي سايلة،