بيقولولى انساه

انا كل مكان بيفكرنى بيه.
بفتكر لما كنا مع بعض فيه.
و دايما شايف حياتنا.
وكل حكايتنا.
وقلبى اللى كان ملك اديه.

بيقولولى انساه طب ازاى انساه.
دى حياتى وروحى وقلبى معاه.
ومن بعده انا بجد بموت.

انا قلبى تاه و حياتى معاه.
و حياتى ضاعت وبقول الاه.
ومليش حد وعمرى بيفوت.

انا عايز انسا بجد وقلبى يرتاح.
انا لسه فاكرو وفاكر اللى راح.
وحزين ونسيت طعم الافراح.
ومفيش حاجه ابدا تنسينى.

انا ماشى فى الدنيا تايه ومش لاقى بر.
ماشى بخبط فيها وحلو بقى طعمو مر.
حياتى ضاعت ومبقاش فى حاجه تغر.
وكل ليله ابات الدمع فى عينى.


قولولى ازاى انسا حبى وقلبى اللى سابنى.
وانا كل يوم بموت وبعده عنى معذبنى.
انا شوقى كل يوم بيزيد.
وبشوفو من بعيد لبعيد.
وبقول ازاى هونت عليه وازاى بسهوله كده يسبنى.

بيقولولى انساه طب ازاى انساه.
دى حياتى وروحى وقلبى معاه.
ومن بعده انا بجد بموت.

انا قلبى تاه و حياتى معاه.
و حياتى ضاعت وبقول الاه.
ومليش حد وعمرى بيفوت.