Лирика

Аралар өлең гүлзарын,
Ғашықтың тыңда мұң, зарын.
Ұсынар саған жырға орап,
Сағыныш толы гүл-жанын.
Тым жақын, әрі бөтенмін,
Жанымды тербер бөтен мұң.
Сүйсе де сені көп адам,
Сағынып мендей өтер кім.
Жанымды тербеп жыр гүлі,
Жетектеп жүрек бүлкілі.
Кемпірқосақты көпір ғып,
Жетермін саған бір күні.
Бұл келген сонда кім дерсің,
Көзіңе өзің сенберсің.
Сөзімнен танып өзімді,
Сағыныш дертін емдерсің!