Дагарэў за брамай неба край, Месяц паміж воблачкаў плыве, Выйду зноў, як у

Дагарэў за брамай неба край,
Месяц паміж воблачкаў плыве,
Выйду зноў, як у мінулы май,
Басанож прайдуся па траве.
Лашчыцца трава да босых ног,
3 дальніх паплавоў плыве ракой,
Чуць заметны чутны халадок,
Подых юні ўсходзячай маёй,
Подых юні ўсходзячай маёй.
Ціха цмокае ў сне рака,
О, як добра, як прыгожа жыць,
Раска, як русалчына луска,
На вадзе ад месяца гарыць.
А вакол травіцы росны рай
I бярозак белая сям'я,
Мой чароўны беларускі край,
Бацькаўчына светлая мая,
Бацькаўчына светлая мая.