piccerè

Ma nun te mette’ scuorno, piccerè,
stóngh’io cca’ vicino a tte,
stringeme ’a mano.

Stringeme ’a mano,
sta’ cca’ vicino a me,
ca chello ca tien ’a rint’
primma o doppo jesce.

Nun t’appaurà, nun t’appaurà,
ll’anema toja è chiena,
chiena ’e cose belle.

È comm’ ’o mare vruògnolo,
arraggiato, senza pace,
quanno ’o viento ’o sceta
e ’o cielo se ne va.

Ma quanno ’o viento se calma,
na voce antica s’arapre
e doce doce te dice:

“Vola, piccerè, vola…
si’ nata n’ata vota.
Vola, piccerè, vola…

E io arapo ’a mano,

E chiano, chiano,

te lasso jì”,

Vola.