ເພງ ຮັກສາວທ່າກົກໄຮ

ຄັ້ງໜຶ່ງໄດ້ມາ ພົບຂວັນຕາສາວທ່າກົກໄຮ
ສາວເຜົ່າມົ້ງຊ່າງງາມຈັບໃຈ ໄດ້ເຫັນແລ້ວຊາບຊຶ່ງອຸລາ
ຢາກໄດ້ເປັນແຟນ ຢາກຂວງແຂນຮ່ວມຫໍວິວາ
ສາວເຜົ່າມົ້ງຜູ້ງາມໂສພາ ອ້າຍປາດຖະໜາຄຽງຄູ່ກັບນາງ
ອ້າຍຂໍເປັນເຂີຍ ຂໍລົງເອີຍຢູ່ທ່າກົກໄຮ
ຂໍມາເປັນຄົນຮັບໃຊ້ ຂໍພັກໃຈກັບແມ່ແອວບາງ
ອ້າຍຈະມາສູ້ ວຽກງານບໍ່ໃຫ້ເຫຼື່ອຄ້າງ
ມາຊ່ວຍນ້ອງນາງເຈົ້າສ້າງ ຖານະໃຫ້ກວ່າຫຼັງ
ຕັ້ງຈິດອະທິຖານ ຂໍສາບານນຳພູເຂົາຄວາຍ
ສິ່ງສັກສິດຈົ່ງໄດ້ອຳນວຍ ຊ່ວຍຊູໃຫ້້າສົມຫວັງ
ໃຫ້ຮັກຢື່ນນານ ຕະລອດການຮັກຢ່າໄດ້ເພພັງ
ຈະຮັກກັນຈົນສິ້ນຊີວັງ ອ້າຍແລະນາງຮັກກັນດູດດື່ມ
ສາວທ່າກົກໄຮ ເຈົ້າຢ່າໄດ້ລື່ມຄຳສັນຍາ
ເປັນແດນສາວງາມເລີດຟ້າ ຢູ່ແຄມທ່າຂອງແມ່ນໍ້າງື່ມ
ໄຫຼຄົດໄປຄົດມາ ແມ່ການດາຄົງຈະບໍ່ລື່ມ
ຢ່າເປັນຄືສາຍນໍ້າງື່ມ ໄຫຼໄປບໍ່ຫວນຄືນມາ