V

(Strofa 1)
Venezia de sera la xe un gran tesoro,
co’ i lumi che brila e i campi d’oro,
ma drio le finestre, pian pian, se sa,
xe sempre più case che no ga più chi ghe sta.
Le calli le dorme, le botteghe xe seràe,
le voci de ‘na volta le xe ormai andaè,
e mi caminando sento el vento andar,
come un vecio amigo che no vol più parlar.
(Ritornello)
Venezia che se spopola, Venezia del mio cuor,
ti perdi le persone, ti perdi un fià de amor.
Venezia xe bellissima, ma dime ti perché,
che resta solo el turista e de venexiani più no ghe ne xe'..
Venezia che se spopola, te vardo da lontan,
co’ un nodo ne la gola e la nostalgia in man.
E penso a quei giorni che no torna mai più:
Venezia gera nostra… e adesso, de chi xe più?
(Strofa 2)
Una volta in ogni campo ghe gera un fio che zogava,
la vecia del pianteren da la finestra la saludava,
el forner drio el banco s’ciopava dal lavor,
e in calle se sentiva del pan caldo el bon odor...
El pescaor tornava co’ el pesse ne la man,
el vetraio de Murano lavorava fin doman,
e in ogni osteria, tra un goto e una canzon,
se parlava de Venezia co’ passione e col cuor.
Ritornello
Venezia che se spopola, Venezia del mio cuor,
ti perdi le persone, ti perdi un fià d’amor.
Venezia xe bellissima, ma dime ti perché,
che resta solo el turista, e de Venexiani più no ghe ne xe'...
(Strofa 3)
Le case costa un patrimonio, e chi le pol più pagar?
El giovane venexian xe costretto a navegar,
cerca casa in teraferma, cerca un posto dove star,
ma el cuor el resta qua, anche se el ga da andar...
E ogni volta che el ritorna, pasando per San Marco,
el sente dentro el petto un dolor dolce e grando:
“Questa xe la mia casa, qua son nato e qua voio star,
ma se no posso viver qua, come farò a restar?”
(Ponte)
Noialtri semo Venexiani, noialtri semo qua,
con l’acqua, co’ le barche xe questa la nostra libertà.
Ma una città senza la so gente, dimme ti cossa sta a far?
Xe come un bel teatro… co’ nessun a recitar...
(Ultimo ritornello)
Venezia che se spopola, Venezia del mio cuor,
ti perdi le persone, ma no perder el nostro amor..
Fermemo questa fuga, se ancora se pol far,
che un giorno i nostri fioi possa tornar qua a restar.
Venezia mia, Venezia, no te lasarò morir,
finché ghe sarà un venexian che te vorrà custodir...
Perché una città xe viva soltanto se la xe abitada,
e Venezia senza i Venexiani… xe una storia dimezada.
(Finale, lento)
Venezia che se spopola… piano piano te ne vai,
ma el nostro amor par ti… queo ,no finirà mai.
E quando cala la sera e el silenzio vien qua zo,
mi canto pian , pianin: “Venezia… no morir ... par favor.”