SA MATA SEGADA

Cumenti nosu crésciu
Ca de acua no ddoi nd'adi
Innoi esti sempri istadi
E custu oi nai sa moti

Cument' e nosu crésciu
Ca su bentu fia foti
Bentu Estu a mesu ia
A s'incrubai sa schi'a

Cument' e nosu sesi
Stétiu disocupau
Ma ti ndi sesi andau
Cumenti meda genti

Cumenti meda genti
Imù in su continenti
Ti ses fadendu onori
Sardu traballadori

In terra po tui strangia
Tui ti sesi stentau
Naca sesi cuntentu
Naca sesi prexau

Ma parrit u' lamentu
Custa tua litania
Tui potas in su coru
Su pru'iu de sa ia

Esti custu lamentu
Prenu 'e malinconia
Segàda sia sa mata
Abarrat sa cotzi'a

Tui tenis arrexoni
Sa terra depredada
Chi non sind' est scidada
Parrit una presoni

Ma poi mi naras puru
E ci pensu a su noti
Ca chi bivit innoi
Poi nai c'a tentu soti

Insa' t'aspetu fradi
Po ti bidi strecai
Torrendu de su mari
Sa terra de nannai

Insa' t'aspetu fradi
Ca logu ge ddoi nd'adi
E u' letu cuncodrau
Ca tui iasta lassau