bağışla məni

Gizlicə getdim ki, kövrək ürəyim
Ayrılıq dəminə dözməyəcəkdi.
Bilmədim, bu anda sənə nə deyim?
Təşvişlər canımın tabını çəkdi!

Sən elə sanma ki, çıxdın yadımdan,
Gedəndə demədim sənə əlvida.
Əfv et, günahkaram, keç günahımdan
Talemiz qoymadı seçim dünyada.

Bir anda insafsız, amansız hicran,
Etdi sevgimizə kədəri şərik,
Qüssələr qəlbini qoymasın viran
Yenə, Allah qoysa, biz görüşərik!