رومانسي

ازيك!!
وازي عنيكي الكدابة؟!
لسه بتبكي؟
طب لسه بتشكي..
مستغرب كدبك ف عيونك
كنت ف ضهرك وقت الحزن
وقت ماكان الكل يلومك
ابعدي عنه دا عيل خايب
هيشقيكي يطلع عينك
لما نسيتي حزنك بيا
بعتي أكتر حد يصونك
كان يتمنى كل رضاكي
باع الكل لأجل هواكي
بس هواكي طلع مسموم
كانت كل الدنيا هموم
كلها كوم وهمومك كوم
عمري مالومتك على احزانك
كنت بحبك من غير شرط
لما انا شوفتك يومها اختارت
اني اكمل عمري معاكي
شوفت انا منك ظلم كتير
لكن قلبي رفض ينساكي