El Cerica 4

[INTRO]
Eh-eh!
Oh fioi, vardé che storia!
Iù no ga paura de gnente...
Ma de pèrdar i cavei ... ... sì!
Ahahah!
[STROFA 1]
Da fio el gera un bel moreto,
ma in testa de cavéi un fià ciarétto ...
Prima ghe zé vinùa fóra na gecoéta, dopo na gecoeóta,
finché un giorno, davanti al specio,
el se vede mezo speocà !
[RITORNELLO]
El Cèrica! El Cèrica!
El ze sempre che el se pettina,
I tira de qua, i porta de là,
ma quei quatro cavei no i vol restar!
El Cèrica! El Cèrica!
El ga provà de tuto, che fadiga!
Ma se el vento tira un poco più forte,
i cavei i ghe fa subito: “Buona notte!”
[STROFA 2]
El ga provà col riportin,
un caveo de qua fin sul confin,
Po’ el ga dito: “ i fasso cresser!”
Eónghi, eónghi, fin sora e récie,
Che cussì me fasso e drésse !
[RITORNELLO]
El Cèrica! El Cèrica !
El ze sempre che el se pettina,
I tira de qua, i porta de eà,
ma quei quatro cavei no i vol restar!
El Cèrica! El Cèrica!
El ga problemi anca de forfora!
Se el se pettina davanti al specio,
De trenta anni el par più vecio!
[STROFA 3]
“Provo col nero, nero corvìn!”
E el se ga tinto come un carbonsìn!
La gente ghe diseva: “Che bel color!”
Ma dentro de iù el moriva dal dolor,
perché el saveva, povero fìo,
che tutti lo toéva par el da drìo !
[STROFA 4]
E allora el ga dito: “Me fazo el trapianto!
Ma spendendo poco, el risultato ze un pianto!
El ga trovà un posto in Bulgaria,
“Xe economico!” — che gran strategia!
El xe tornà a casa coi cavéi novi,
Ma dopo un mese ghe ne ze già cascài mezi !
[RITORNELLO]
El Cèrica! El Cèrica!
La testa ormai ea xe diventàda mitica!
Riportin, tintura e trapianto,
el ga provà tuto, ma el risultato ze un pianto!
El Cèrica! El Cèrica!
La só battaglia xe diventada epica!
Ma contro la calvizie, fioi,
sembra proprio che no ghe sia santi né eroi!
[STROFA 5]
Finché un giorno da Coìn,
Ell se compra un parruchin,
Col se eo mette, che emozion,
Co i amissi un figuron !
Cavéi folti, lucidi e perfeti,
sembrava tornà ai bei tempi benedeti!
El se ga messo ea giacca, el se ga improfumà ,
Gins e scarpe da tennis,
Proprio come un sbarbà !
[PONTE FUNKY]
Ma fora ghe gera un poco de vento...
Fiuuuuu!
El Cèrica se incorse in un momento!
“ me ze svoeà via tutto, che figurassa!
Mi torno a casa, me sento una boàssa !
Povero Cèrica, varda che destìn,
I lo tol in giro, colpa del parucchìn,
Povero Cèrica, tutta colpa del vento,
Dalla vergogna, el se sèra in un convento!
[RITORNELLO FINALE]
El Cèrica! El Cèrica!
Che storia triste, ma anca comica!
El ga speso un mucio de schei,
solo per salvar quattro cavei!
[FINALE]
E un giorno el ga dito:
“Basta! Mi me piazo così!”
Senza riportin, senza tintura,
senza Bulgaria e senza paura!
El va dal barbièr,
Che ghe taia quei tre cavei,
E da quel dì i lo ciama tutti Rocco,
Par far rima co : ... ... Peòccooo !!!!