Ombre 9

De sera in Calle Larga i spunta come ombre,
co’ el goto in man e la voja ancora de imbriagarse,
“Dai, bevi un spritz!” — “Ma sì, ghe stago dentro!”
E dopo tre ombre già i canta controvento!
(Strofa 2)
Tra bàcari e osterie i fa el giro par i Bari,
co’ panini, ciccheti…,e prosecco col Campari,
i ride, i sbraita, i batte i pugni sui banchi
ma a fine note… mai vederli stanchi!
(Ritornello)
Ma ‘sti qua … ... da dove tira fora i schei?
Che i beve tuto e no i finisse mai!
Un mistero grande come el mar,
e ogni sera i torna a festeggiar!
Ohé ohé… i xe sempre là,
col goto pien e le braghe rotte, … mah!
(Strofa 3)
Ghe xe Gigi che dise: “Pago mi stavolta!”
e dae braghe finte rotte el tira fora la carta,
e Toni ride: “Tranquilo, xe già sistemà!”
el barista i conosse… i fa finta de studiar!
(Strofa 4)
Co’ el vin che scorre come l’acqua del canal,
tra na barena e un’ombra i perde el filo del parlar,
“Ultimo giro!” — che doman mattina go l'esame,
e intanto el beve n'altro spriss, e un panin col salame!
(Ritornello)
Ma ‘sti qua… da dove tira fora i schei?
Che i beve tuto, e noi finisse mai!
Un mistero grande come el mar,
E ogni sera i torna a festeggiar!
Ohé ohé… i xe sempre là,
col goto pien e le braghe rotte,… mah!
(Bridge)
Forse ghe xe un tesoro sconto sotto un masegno,
o qualche zio lontan che paga sempre el pegno…
o forse xe magia de Venezia incantada,
che fa vegnir schei… senza far fadiga!
(Finale)
E cussì i va avanti, notti dopo notti,
tra risa, brindisi a,impenirse i gotti
Venezia la dorme… ma lori no i se ferma mai,
co’ el goto in alto… e i schei?... ma dove i ga trovài !