Dove i sè andai ?

Torno a Venessia... dopo vinti anni...
so stà in Australia... e me go sposà...
go fatto i schei... vendendo patatine...
e una casetta... me voria comprar...
torno a Venessia ... dopo vinti anni..
giro par strada... ma che confusion...
facce diverse... nissuni che conosso...
no ghe sè e poste... sè tutto Beneton...
el fruttarol... dove sè ndààà... el biavarol... dove sè ndààà,,,
el me bechèr... dove sè ndààà... el caeghèr... dove sè ndààà...
el lattariol... dove sè ndààà... el parucchièr... dove sè ndààà...
el mè fornèr... dove sè ndààà... no i ghe sè più...
Par i campièi... no zoga più i putei...
i zoga a casa... co el so telefonin...
coea pleistescion... che no i disturba la mamma...
e a dodesani... la pansa par un budin...
Sè pien de artisti... che vien fora ae notti...
e per e strade ... i muri sè imbratai...
sè pien de scritte... insulti, e scarabocci...
rovina i marmi... coe bombolette spray...
El fruttarol... dove sè ndààà... el biavarol... dove sè ndààà...
el me bechèr... dove sè ndààà...el caeghèr... dove sè ndààà...
el pasticcèr... dove sè ndààà... el stramassèr... dove sè ndààà...
l uganeghèr... dove sè ndààà... no i ghe sè piùùù...
Volevo torme... na casa a Venessia...
nea zona dove... che gero nato mi...
ma vedo solo... foresti e bed and breakfast...
i Veneziani... no abita più qui...
ma che tristessa... che sè qua sta Venessia...
la faccia diversa... qua in giro sè la mia...
ciapo l aereo... e torno in Australia...
vendo patatine... me la magno, e cosi sia...
El fruttarol... dove sè ndààà... el biavarol... dove sè ndààà...
el me bechèr... dove sè ndààà... el caeghèr... dove sè ndààà...
el lattariol ... dove sè ndààà... el parrucchièr... dove sè ndààà...
el me fornèr... dove sè ndààà... no i ghe sè piùùù...
el pasticcèr... dove sè ndààà... el stramassèr... dove sè ndààà...
l uganeghèr... dove sè ndààà... ... no i ghe sè piùùùùùù