سيدي عبد الرحمان مول المجمر

سيدي عبد الرحمان مول المجمر
جيتي بين لماج امݣابل لبحر
جيت انداوي ݣلبي راه اعمر
طالب التسليم لجوادك تحضر
اشكون اسبابي من غير اصحابي
ياك غرو بيا اوزادو فعذابي ،
طار انعاسي واحراراشربي
وهانا ليوم انصرف مكتابي
اللي عجبو حالي را يشري مني
يجي ويختار نبيع لو ما عندي
راه ايلا جرب غادي يعضرني
وبقيت وحدي مجروح شكون اسمعني
وسيدي عبد الرحمان امول المجمر
جيتي بين لماج امݣابل لبحر
جيت انداوي ݣلبي راه اعمر
طالب التسليم لجوادك تحضر
ونبكي أنا على دوك الليالي
شلا أيام ضاعت بلا والي
شوفو عين الذياب كتبات اتلالي
وأنا ݣلبي مجروح شكون داوا حالي
ويلا اتزاد الهم واقوات امحاني
ونشكي يانا للرب العالي
هو لكريم ايشوف من حالي
ياخذ حقي واللي عاداني
وسيدي عبد الرحمان مول المجمر
جيتي بين لماج امݣابل لبحر
جيت انداوي ݣلبي راه اعمر
طالب التسليم لجوادك تحضر