يا صاحبي

[Chorus]
هاااا أ أ أ يا صاحبي
هاهاهأ أ أ أهو يا صاحبي

[Verse 1]
صاحبي بيكدب عليّ وأنا أنا عارف بس مطنش
ماهو ناسي إنه بيتلجلج وعينيه فاضحاه آه وبيرمش
وبيضحك وبيعمل حركات تمثيل ويغلوش
وأنا باسمع نص كلامه ونصه التاني مشوش

[Chorus]
هاااا أ أ أ يا صاحبي
هاهاهأ أ أ أهو يا صاحبي

[Verse 2]
صاحبي مافيش زيه اتنين في كلامه المتزوق
وتشوفه من أول نظرة تحبه وتقول ده مروق
لو غاب ميت ألف سؤال: جي إمتى وليه عوّق؟
مدّيها الدنيا طبنجة ونايم زي ما هو مفوق

[Chorus]
هاااا أ أ أ يا صاحبي
هاهاهأ أ أ أهو يا صاحبي

[Verse 3]
صاحبي شغلته أستاذ دكتور ويقولوا عليه مهندس
واللي معاه بالرضا يعطيه، ما يهموش لو فلس
يسأل على كل الناس حواليه، ماهو من فاميلي كويس
ويحب ياكل من إيدي عمايلي لو رغيفين ومدمس

[Chorus]
هاااا أ أ أ يا صاحبي
هاهاهأ أ أ أهو يا صاحبي

[Verse 4]
صاحبي مخلوق نادر في الطيبة والجدعنة
تحتاجه تلاقيه وياك في الحلوة والمعجنة
وفي أحزاني يواسيني ومعايا في الهنا
ماهو ده اللي طلعت بيه من الدنيا من ييجي تلاتين سنة

[Outro]
هاااا أ أ أ يا صاحبي
هاهاهأ أ أ أهو يا صاحبي