الفرحة

يا لَيالي هِلِّي يا لَيالي
عَرُوسِتْنَـا قَمَرَة وَبِتْلالي
فَرْحِتْنا دي مِن فَرْحِتْها
واهُو رَبِّـنَـا رَوَّق بالي

يا عَريسْ وَبَدَأْتِ الرِّحْلة
والدُّنيا هَتْروق وهَتِحْلَى
ويا العَرُوسِتْنَـا الحِلْوَه الزِّين
هاتْكون أكيد أَحْلَى وأَحْلَى

يا لَيالي هِلِّي يا لَيالي
عَرُوسِتْنَـا قَمَرَة وَبِتْلالي

إِسْلامْ جا خَبَّطْ عَلَى بابْها
يِجْري ويِسْبَق خُطّابْها
وقال دا سَنَدي وَنِنِّي العِين
فاطْمَه كِفاية عِندِي أَدَبْها

أُخْتي الجَميلَه مفيش غيرْها
جَدْعَة وأصيلَه كَتَّر خِيرْها
فَرْحِتْها دي دايماً غالْية
دي أَميرَه فازِت بِأَميرْها

يا لَيالي هِلِّي يا لَيالي
عَرُوسِتْنَـا قَمَرَة وَبِتْلالي

ما تِصَلّوا بينا عَلَى العَدنان
يا رَسولْنا يا نورِ الأَكْوان
وِبِنِدْعي لِلمَولى يُبارِك
وتْدوم عَلِينا الفَرْحة كَمان

عَرُوسِتْنَـا دي بَدْرٌ مْنَوَّر
وعَريسْنا سُبحانَ مَن صَوَّر
قَمَرَيْن يا ناس جُوَّهِ الكوشَه
والْحُسْن فوق ما بِنِتْصَوَّر

يا لَيالي هِلِّي يا لَيالي
عَرُوسِتْنَـا قَمَرَة وَبِتْلالي

السَّعْد جاي كُلِّ الأوْقات
والْعِيشَه تُبْقَى تَبات وِ نَبات
ويارب تِكْمَل فَرْحِتْهم
ويِجيبوا لينا صُبْيان وَبَنات

ويارب بارِك أَيّامْهم
ويِحَقِّقوا كُلِّ أَحْلامْهم
والْخير كْتير وهَيِتْهَنّوا
والْحُب هَيِدُوم وغَرامْهم

يا لَيالي هِلِّي يا لَيالي
عَرُوسِتْنَـا قَمَرَة وَبِتْلالي