Kerja Ladang Sawit

[verse]
Tu meh pengidup aku kerja ladang
Tumu pagi dani dunya agi petang
Nurun ke opis aku mai ati lantang
Betemu enggau kaban ati mega senang
[verse]
Endang sigi gaya enti kerja ladang
Bisi maya tusah bisi maya senang
Ngena motor kapcai aku nurun ke ladang
Aku nyau abis pedis tulang belakang
[chorus]
Kerja ladang sawit gaji aku sigi mit
Maya ujung taun aku bisi niki gaji
Taja pia ngasuh ati aku tusah mimit
Laban enda cukup kena aku bebini
[chorus]
Kerja ladang sawit aku enda berpangkat besai
Laban tudah diri aku tu nadai pemandai
Nya aku enda ulih nyadi bos besai
Gaji ujung bulan mina cukup kena makai
[verse]
Nya meh cerita maya kerja ladang
Maya pengidup aku agi bujang
Pengingat tu semampai di kenang
Sampai diatu udah nyadi apai orang