Alphai

nẓṛa mann ur ntam
nẓṛa tid nmyar
..
ya ur igan alfaɛi
ɣaṣṣad iḥasb ussan
..
timdayin a radd afin
d uskrf iɣrd iffuɣ
..
ra iẓṛ ɣayda iẓṛa
wawtil urd iṛoḥ
..
isrs fellas Lbaz afus
iskr sa igenwan
..
aɣ tid igr f ujaṛif
illuzzu iga aman
..
yumẓaɣ zzman ad ammaẓ
n ṭokaḍ ɣ islm
..
iɣ trẓmt imi tkhsit
iɣ iqqen ijdr wul
..
iɣ yad tṣbṛt i wada
ikofṛn ard amenn
..
ma rad tskrt i wada
yumen iɣd ikofṛ
..
wakha ngaddan irattn
ibḍu zzin d lmal
..
tawtmt af yad immut
habil iggʷz akal
..
igʷratt qqabil arraw
ns ur rad thnnan
..
lmal inɣa qqaron
urd izayd lḥṛf
..
ur dids iwin tamuzunt
ula tigʷricin