Лошади

Атҡа ултырған башҡорттоң
Күңелкәйе ҡанатлы.
Башҡорт аты башҡорт ерен
Бар донъяға танытты.
Башҡорт аттары бәйгелә
Яныр өсөн тыуалар.
Юрғаларҙың сыҙамлығы
Сабыштарҙа һынала.
Утта ҡыҙған дағалары
Урал ерен ҡурсалай.
Ялан яулай кешнәүҙәре
Көр тауышлы йырсылай.
Башҡорт аты пар ҡанатлы,
Аҡбуҙат тоҡомонан.
Башҡортомдоң асыҡ йөҙө
Сыҙамлы холҡо менән.
Башҡорт атының ҡанында
Ҡайнайҙыр Ватансылыҡ.
Илһөйәр булып үҫерһең,
Кескәйҙән атта сыныҡ.